O Abiete (Canzon por Crist-festa)

Yo ha traductet li max conosset german canzon por Crist-festa "O Abiete" (Oh Tannenbaum) in Interlingue. Yo desira felici Crist-festa.

O ABIETE

1.

O abiete, o abiete

quam verdi es tui folies!

Tu ne verdea solmen in li estive,

no, anc quande it nivea in li hiverne

O abiete, o abiete.

quam verdi es tui folies!

2.

O abiete, o abiete

tu posse me tre pleser!

Quant vez durant li crist-festa me

ha tre injoyat  un árbor de te

O abiete, o abiete

tu posse me tre pleser!

 3.

O abiete, o abiete,

tui robe vole me alquó docer

li esperantie e li constantie

da me sempre consolation e fortie

o abiete, o abiete,

tui robe vole me alquó docer.

Yo vole viver (Canzon del Ramones)

Yo ha traductet del canzon "I wanna live" (Yo vole viver) del american punk-band The Ramones in Interlingue. The Ramones existet ínter 1974 e 1996. Ili esset un del unesim punk-gruppes. Ci mi litt tribute por tal excellent gruppe.

THE RAMONES

I WANNA LIVE  (YO VOLE VIVER)

YO VOLE VIVER

Yo ha meditat pri it

E yo save quo yo deve far

Yo ha meditat pri it

E yo save que yo just ne posse fider me self

Yo es un cigan-prince

Covrit con diamantes e juveles

Ma tande mi amante exposi me

Yo save que yo es un damnat folio

[REFRANE]

Yo da quo yo deve dar

Yo da quo yo por viver besona

Yo da quo yo deve dar

It es important si yo vole viver

Yo vole viver

Yo vole viver mi vive

Yo vole viver

Yo vole viver mi vive

Quande yo prepara mi pistol  

Ex fin german stal

Yo nequande pensat que yo vell esser tam trist e alienat

Yo have mi final repaste

Ma yo save yo posse far it

It solmen besona quelc annus

Quande yo executet mi mortator

Li matine es proxim

[REFRANE]

Yo da quo yo deve dar

Yo da quo yo por viver besona

Yo da quo yo deve dar

It es important si yo vole viver

Yo vole viver

Yo vole viver mi vive

Yo vole viver

Yo vole viver mi vive

Li Prim Nive (Poema original)

Yo ha scrit un litt poema original pri li prim nive.


LI PRIM NIVE

It ha venit secretmen,

durant li nocte.

It covri li suol totmen

blanc quam sucre.




It es li blasson del hiverne,

li frigid hala del nord.

It ha forlassat su caverne

li plantes sembla esser mort.




It es li prim nive,

cadet ex li ciel.

It nu domina nor vive,

e far li munde bell.

Carrie (Original poema)

Li roman "Carrie" esset li unesim successe del US-american autor Stephen King. Il es li mac famosi e successosi horror-autor del passt triant annus.

Ante quelc semanes on posset regardar in li cinemás li film version del tragic raconta pri li puella Carrie White. Carrie White have un religiosi fanatic matre, ma la 16 annus havant puella possede special telecinetic forties. In li scola Carrie es sempre mocat per li scoleres. Pos un maliciosi joca durant li grand celebration in su scola Carrie prende un sanguinari venjantie, ma es mortat per su matre, qui pensa que su filia es un sorciera. Yo ha scrit un litt poema por li tragic heróa del film Carrie White.

CARRIE

O Carrie tu perdit omnicos

por quelc hores de felicie.

Tu nequande havet amicos,

ma esset plen de misteriosi fortie.

Tu esset solitari

in li moment de tui morte.

Quant amari

que li matre decidet tui fate.

Tu esset plen de sangue

pro li repugnat joca

e prendet terribil venjantie

nu nequi te moca.

Sempre tormentat

de tui fanatic matre.

Sempre mocat

de omnes in li scole.

Nu ili ne ride plu pri te

tu ha mortat tant mult.

Ili ne posset salver se

conduidat se tant stult.

Tu ne brula in li inferne,

quam ili ha scrit

in létteres al tui tombe

u tu ha finit.

Esque tu es nu vermen líber

perdit li obscuritá

Noi ne va te revider

reposant in li eternitá.

Li autun (poema original)

Yo ha composit un litt poema por li sezon del autun.

LI AUTUN 

Poema original in Interlingue

Lentmen li estive ha finit,

li sole debilisa.

Subitmen li autun ha venit,

li folies yelbija.

Li vente fortmen sofla,

aportant li pluvie.

Li folies cade ad infra,

un aurin silentie.

Tui capilles move se

in li friscore.

Tui subride tucha me,

creant un calore.

Vive - Morte (Canzon de Laibach)

Yo ha traductet li textu del canzon "Leben-Tod (Life -Death)" del slovenian rock-musica gruppe Laibach ex li german in Interlingue. Li gruppe Laibach ja existe plu quam 20 annus e es un extraordinari cultural fenomen. Ante mult annus Laibach mem proclament su propri state li "NSK Weltstaat" (Nov slovanian arte state mundal). It es tre dificil descrir ti projecte del arte. Laibach es vermen arte e un poc mem politica. Laibach es plen de ironie e plen de politica. Pro li usation de un quasi totalitarisitc simbolisme Laibach descredita omni totalitari ideologies. Li max bon exemple esset li album "Opus Dei". On trova ta anc li canzon "Leben-Tod" (Vive-morte).

                            
  Vive-Morte in scene 2012 in Manchester

VIVE - MORTE 

Traduction del canzon Leben-Tod de Laibach

Hay un vive

hay un vive

hay un vive ante li morte

no no no

yes yes yes

Hay un vive ante li morte

Noi ea juntmen

noi ea juntmen

noi ea juntmen e to deveni ver

no no no

yes yes yes

Noi ea juntmen e to deveni ver

Hay un vive

hay un vive

hay un vive ante li morte

no no no

yes yes yes

Li morte esset dat al vive.

Rime del infantes pri Freddie Krüger

Freddie Krüger es un legandari figura de horror-filmes. In li "Nightmare on Elm Street" ("Cochemare in Elm-strada) Freddie Krüger es un folli mortator, quel morta yun adolescentes in lor somnies. Quande Freddie morta un person in un somnie li person anc morit in li real vive. Malgré to li Cochemare in Elm-strada filmes have un special humor. Tre conosset es li rimes del infantes pri Freddie Krüger per quel ili averte dormir, pro que quande tu dormi Freddie posse venir. Yo ha fat un rime in Interlingue pri Freddie Krüger.

RIME DEL INFANTES PRI FREDDIE KRÜGER

Un, du Freddie veni nu,
Tri, quar il vole te mortar,
Quin, six prende un crucifix,
Sett. ott tost it es minoct',
nin, deci plu bon ne dormi.