Montag, 18. November 2013

Carrie (Original poema)

Li roman "Carrie" esset li unesim successe del US-american autor Stephen King. Il es li mac famosi e successosi horror-autor del passt triant annus.


Ante quelc semanes on posset regardar in li cinemás li film version del tragic raconta pri li puella Carrie White. Carrie White have un religiosi fanatic matre, ma la 16 annus havant puella possede special telecinetic forties. In li scola Carrie es sempre mocat per li scoleres. Pos un maliciosi joca durant li grand celebration in su scola Carrie prende un sanguinari venjantie, ma es mortat per su matre, qui pensa que su filia es un sorciera. Yo ha scrit un litt poema por li tragic heróa del film Carrie White.




CARRIE

O Carrie tu perdit omnicos
por quelc hores de felicie.
Tu nequande havet amicos,
ma esset plen de misteriosi fortie.

Tu esset solitari
in li moment de tui morte.
Quant amari
que li matre decidet tui fate.

Tu esset plen de sangue
pro li repugnat joca
e prendet terribil venjantie
nu nequi te moca.

Sempre tormentat
de tui fanatic matre.
Sempre mocat
de omnes in li scole.

Nu ili ne ride plu pri te
tu ha mortat tant mult.
Ili ne posset salver se
conduidat se tant stult.

Tu ne brula in li inferne,
quam ili ha scrit
in létteres al tui tombe
u tu ha finit.

Esque tu es nu vermen líber
perdit li obscuritá
Noi ne va te revider
reposant in li eternitá.

1 Kommentar:

  1. Le vengiantia es un forte sentimento. Forsan a vices es impossibile pardonar su persecutores. Ma io crede que si on vermente vole attinger pace del anima, on debe cercar reconciliation.

    AntwortenLöschen