Li odie va victer (canzon)

HATARI:  Hatrið mun sigra (Li odie va victer)

Normalmen li canzones del Eurovision Canzon Concurse es enoyant. In li annu 2019 noi have un tre ínusual canzon de Island. In prim li gruppe HATARI canta islandesi. Hodie presc omni participantes canta en anglesi. Li musica e li show sur li scene es tre rapid e brutal. It amemora al german gruppe Rammstein, ma HATARI es un tre political musica gruppe. HATARI es un declarat adversario del capitalisme e anc have li tipical scandinavian humor. HATARI demandat del prim-ministre de Israel Benjamin Netanjahu un lucte secun li old islandesi traditiones. In casu de su successe Israel vell reciver li islandesi insul Vestmannejar por constructer ta israelesi colonias.
Li textu del canson "Hatrið mun sigra" (Li odie va victer) parla pri li fine de Europa e li final victorie del odie súper li amore. Por li Eurovision Canzon Consurse quasi un provocation. Yo ha traductet li textu del canzon ex li anglesi e german traduction in nor Interlingue. Yo va votar por Island. Pro to ISLAND 12 PUNCTUS!

 

LI ODIE VA VICTER 

Li debocheríe esset sin limites
Li posebricherie esset sin fine
Li vive es sin sense
Li vacuitá va capter nos omnes

Li odie va victer
Li felicitá va finir
Proque it es un fraude
Un deceptiv illusion

Omnicos quel yo videt
Lacrimes flue de supra
Omnicos quel yo dat
Esset unvez dat
Yo ha dat a te omnicos

Multilateral deceptiones
Unilateral punitiones
Dupabil perditores
Li fugida va finir

Li odie va victer
Europa va dispolvar
Un rete de menties
Va levar se ex li cindre
Unit quam un

Omnicos quel yo videt
Lacrimes flue de supra
Omnicos quel yo dat
Esset unvez dat
Yo ha dat a te omnicos

Omnicos quel yo videt
Lacrimes flue de supra
Omnicos quel yo dat
Esset unvez dat
Yo ha dat a te omnicos

Li odie va victer
Li amore va morir
Li odie va victer
Li joya va finir
Proque it es un fraude
Un perfid illusion

Li odie va victer

Li baptisme sub li Triglav

France Prešeren es egardat quam li national poet de Slovenia. Li slovanan avangard rock-gruppe Laibach fat un canzon secun un poema de France Prešeren. Laibach es un parte del artistic-collective Neue Slowenisch Kunst fat un modern teatrial version del national epopé Krst pri Savici (Baptisme sur li Savica). 

Li canzon Li Baptisme sub li Triglav esset un parte de ti teatre version. Yo ha traductet li textu de ti canzon ex li anglesi version in Interlingue.

LI BAPTISME SUB LI TRIGLAV

Noi combatte pro noi self

Li actes de multes ha passat

Campes es semat per cadavres

Suol superflue de sangue, putriente

Li max grand parte del munde

Apartene al infantes de Slava

Ni va trovar nor via, nor crede e principies

E si li deos vell benedir nos per li morte

Min terribil es li nocte

Intra li plicas del nigri suol

Quam dies del sclavitá

Sub li brilliant sole

Solitá (Canzon de Clan of Xymox)

Yo ha traductet li canzon "Loneliness" (Solitá) del gruppe Clan of Xymox. Clan of Xymox es un musica-gruppe quel comensat luder in li annus 80s, ma it es ancor tre activ. Ili veni de Nederland e fa mistic gotic rock-musica, "Loneliness" esset publicat in li annu 2017. It es un trist canzon con un hipnotic voce e musica. Anc li video sur You Tube es tre impressionat. Yo ama it mult.

Clan of Xymox: Solitá

Tu ne escuta un cose quel yo ha dit

Tu ne save mi solitá

Yo regarda fixmen al interiore e senti depresset

Tu vell sentir li dolore in mi caresse.



Tu vell sentir li dolore in mi caresse

Tu vell sentir li dolore in mi caresse



Dunc hé! Questiona me qualmen yo senti

Di que tui amore es real e

Hé, veni a ci por finir omni mi timores

Dunc hé! Questiona me qualmen yo senti

Di que tui amore es real e

Hé, veni a ci por finir omni mi timores



Noi porta li masca quel grina e menti

It cela nor guancies e ombra nor ocules.

Pro pro li munde deve esser finir

In contation de omni nor lácrimes e sospires



Li munde es un vele de lácrimes

It devenit plu mal durant li passat annus




Dunc hé! Questiona me qualmen yo senti

Di que tui amore es real e

Hé, veni a ci por finir omni mi timores

Dunc hé! Questiona me qualmen yo senti

Di que tui amore es real e

Hé, veni a ci por finir omni mi timores



Tu ne save que yo es sin esperantie

Li long dies yo ha passat in vacuitá

E quande yo trovat que li porta esset serrat

Yo tirat  e pussat e ped-presset e frappat




Dunc, hé da tui cordie a me e

Di que tu vole esser

ancor proxim de me e fa un fine al misere e



Hé noi es intentionat esser juntmen e

Hé da omnicos de te a me

For, con li obscur dies

Di que tu vole haver me denov.

In tui dome (Canzon de The Cure)

E ci ancor un canzon del anglesi rock-musica gruppe The Cure. Yo ha traductet li canzon “In your house” (In tui dom) del anglesi rock-musica gruppe The Cure. It esset anc publicat in li annu 1980 sur li album “Seventeen Seconds” (Deci-sett secondes). Secun mi opionion un del max bon albumes de The Cure.

IN TUI DOM

Yo lude in li nocte in tui dom

Yo vive un altri vive

Yo pretende svimmar

In tui dom.

Yo changea li témpor in tui dom

Li hores yo prende

Passar tant lentmen...

Yo ne audi un son in tui dom

Silentie

In li vacui chambres.

Yo drona in li nocte in tui dom.

Pretendente svimmar

Pretendente svimmar.

Secretes (Canzon de The Cure)

Yo ha traductet li classical canzon “Secrets” (Secretes) del anglesi rock-musica gruppe The Cure. It esset publicat in li annu 1980 sur li album “Seventeen Seconds” (Deci-sett secondes). In ti annus The Cure esset famosi pro su misteriosi e depressiv musica e devenit al cultu-gruppe del gothic scene. Por me ili ancor es cultu ....

THE CURE: SECRETES

Secretes

Partit con un altri puella

Parlante li tot nocte in un chambre

Tot li nocte

Omnicos devenit plu lent

Yo desira que yo vell esser tui...

Forenos

Nequí save que noi ama nos

Yo capte tui ocules in li tenebre

Un regard aleviat li memorie

Memora me

In li maniere in quel yo esset.

Laibach: The Whistleblowers (canzon)

Li post-industrial musica-gruppe Laibach de Slovenia ja existe desde 1980. Ili es li centre del avan-guardistic collective del arte „NEUE SLOWENISCHE KUNST“ (Nov slovenian arte). Laibach sempre lude anc con totalitari simboles e monstra per su arte que totalitari sistemas producte sempre li identic simbolica. Ma per li usada del tal simboles Laibach sempre defama anc li idés del totalitarisme quam nationalisme e comunisme. Ante quelc annus Laibach ja declarat su propri state „Li NSK-state“ con pasportes e un propri civitá. In ti-ci mensu nu li nov album de Laibach ha aparit con li nómine „Spectre“. Nu Laibach anunciat li formation de un partise con li nómine „Spectre“. On posse se registrar in li internet quam membre. Sam quam li NSK-state to es un utopic arte-projecte. Yo ha traductet li canzon „The Whistleblowers“ (Li Siflistes) del nov album. Li video e li textu monstra tre bon li simbolica e ironie de Laibach.

LAIBACH: THE WHISTLEBLOWER (LI SIFFLISTES)

 Noi ascende, noi cresce

Noi vade, noi sta altmen

Noi nequande cade

Tam grand quam li ciel

Tam distant quam li crepuscul

Noi vade

E noi ne cade.

Noi dormi, noi somnia

Con null témpor inter

Noi nequande halta

Sifflar nor cante

In li calore del nocte

Noi canta

Li spíritu es pur

De nord e sud

Noi veni del ost e west

Respirant quam un unité

Vivient in fama

O morient in flamme

Noi ride

Nor mission es benedit

Noi combatte por te

Por un libertá sin exemple

Noi pensa quam un unité

Noi rula along

Al tacte del tambur

Noi marcha

Li machine del nigri cruce

Noi sta sol

Ma bentost li die va arivar

Quande li libertá sona

Noi va incontrar denov

Nu eternimen

E vader

Ancor un vez quam un unité!

O Abiete (Canzon por Crist-festa)

Yo ha traductet li max conosset german canzon por Crist-festa "O Abiete" (Oh Tannenbaum) in Interlingue. Yo desira felici Crist-festa.

O ABIETE

1.

O abiete, o abiete

quam verdi es tui folies!

Tu ne verdea solmen in li estive,

no, anc quande it nivea in li hiverne

O abiete, o abiete.

quam verdi es tui folies!

2.

O abiete, o abiete

tu posse me tre pleser!

Quant vez durant li crist-festa me

ha tre injoyat  un árbor de te

O abiete, o abiete

tu posse me tre pleser!

 3.

O abiete, o abiete,

tui robe vole me alquó docer

li esperantie e li constantie

da me sempre consolation e fortie

o abiete, o abiete,

tui robe vole me alquó docer.

Vive - Morte (Canzon de Laibach)

Yo ha traductet li textu del canzon "Leben-Tod (Life -Death)" del slovenian rock-musica gruppe Laibach ex li german in Interlingue. Li gruppe Laibach ja existe plu quam 20 annus e es un extraordinari cultural fenomen. Ante mult annus Laibach mem proclament su propri state li "NSK Weltstaat" (Nov slovanian arte state mundal). It es tre dificil descrir ti projecte del arte. Laibach es vermen arte e un poc mem politica. Laibach es plen de ironie e plen de politica. Pro li usation de un quasi totalitarisitc simbolisme Laibach descredita omni totalitari ideologies. Li max bon exemple esset li album "Opus Dei". On trova ta anc li canzon "Leben-Tod" (Vive-morte).

                            
  Vive-Morte in scene 2012 in Manchester

VIVE - MORTE 

Traduction del canzon Leben-Tod de Laibach

Hay un vive

hay un vive

hay un vive ante li morte

no no no

yes yes yes

Hay un vive ante li morte

Noi ea juntmen

noi ea juntmen

noi ea juntmen e to deveni ver

no no no

yes yes yes

Noi ea juntmen e to deveni ver

Hay un vive

hay un vive

hay un vive ante li morte

no no no

yes yes yes

Li morte esset dat al vive.

Li "Canzon del Germanes" in Interlingue

Yo ha traductet li complet "Canzon del Germanes" ("Deutschlandlied" o "Lied der Deutschen") in Interlingue. Li triesim strofe de ti canzon es hodie li oficial himne national de Germania. Li textu del canzon scrit Hoffmann von Fallersleben sur li insul Helgoland in li annu 1841. Li meldoie de ti canzon esset scrit del compositor Joseph Haydn. Durant li nationalsocialistic dictatura solmen li unesim strofe esset un parte del arie national. It esset solmen li overtura por "Horst-Wessel-Lied", quel esset li himne del nationalsocialist movement.

Germania, Germania súper omnicos,
Súper omnicos in li munde,
Si it sempre por protectar se e defender se
Fraternimen es solidari,
Del Maas al Memel,
Del Etsch al Belt -
Germania, Germania súper omnicos,
súper omnics in li munde!

German féminas, german fide,
German vin e german cantada
Mey retener in li munde
Su old e bell son,
Encoragear nos a nobli acte
Durant nor tot vive -
German féminas, german fide,
German vin e german cantada!

Unitá e yure e libertá
por li german patria!
A to lass noi omnes tender
fraternimen con cordie e manu!
Unitá e yure e libertá
es li garantie del felicie.
Florea in li splendor de ti felicie,
florea german patria!
Florea in li splendor de ti felicie,
florea german patria!

Esque hay alquó far (Canzon de Depeche Mode)

Yo ha traductet ancor un canzon del electronic pop musica gruppe Depeche Mode. “Is there something to do” (Esque hay alquó far) esset publicat anc sur li album “Some great reward” (Alcun grand recompense) in li annu 198?. Li electronic musica del angles gruppe es ancor hodie tre populari. Por comprender li signification del textu plu bon yo vole adjunter que li covriment del disco monstra un cuple avan un grand cran (in li sense de un machine por drillar por petroleo) sur un drill-insul.

Ci on posse regardar che You Tube un modern version del canzon:




ESQUE HAY ALQUÓ FAR

Mi litt flicca
Esque tu ne vole venir con me
Ples venir con me
E di a me

Esque hay alquó far
Esque hay alquó far
Esque hay alquó far
Esque hay alquó far

Yo deveni folli per li enoya
Ples venir con me
E di a me

Esque hay alquó far
Esque hay alquó far
Esque hay alquó far
Esque hay alquó far

Un grisi ciel súper un nigri cité
Yo posse sentir li depression
Partú
Tu mey metter tui bottes cutin

Esque hay alquó far
Esque hay alquó far
Esque hay alquó far
Esque hay alquó far

Yo ne posse tolerar ancor un trincage
It es surprisant ti cité
It ne submerse
Tu mey metter tui bottes cutin

Esque hay alquó far
Esque hay alquó far
Esque hay alquó far
Esque hay alquó far

Tui jolli robe es maculat per petroleo
Pro laborar tro penosi
Pro que tu es tro micri
Tu mey metter tui bottes cutin

Esque hay alquó far
Esque hay alquó far
Esque hay alquó far
Esque hay alquó far

Tu anc senti li enoya
Yo vell joyar acompaniar te
Yo vell metter tui bottes cutin

Esque hay alquó far
Esque hay alquó far
Esque hay alquó far
Esque hay alquó far

Yo vell meter tui jolli robe

Esque hay alquó far
Esque hay alquó far
Esque hay alquó far
Esque hay alquó far

Esque hay alquó far
Esque hay alquó far
Esque hay alquó far
Esque hay alquó far

Michelle (Canzon de Pinks Turns Blue)

Yo traductet li canzon “Michelle” del gruppe “Pink turns blue”. Ti canzon es tre populari in li índependent scene musical ex li annu 1990.

Li textu del canzon es un poc mistic e enigmátic sam quam li canzon. Pro quo hodíe pos plu quam duant annus un traduction de Michelle? Yo ha leet un tre bon horrore-roman ante quelc dies e li principal person in li libre es un puella con li nómine Michelle Robinson. Leent li libre yo sempre devet pensar pri li canzon Michelle de Pink Turns Blue. E poy yo ha decidet traducter li canzon in Interlingue-Occidental.

MICHELLE 

Canzon de Pink Turns Blue ex li annu 1990

 

 

Jornes e noctes
Li me seductent bestie ne trova un hem
Un tal choc de avigilar se
Yo videt li coses yo ne hat videt antey
Ples acceptar li salutationes de un altri
Tu deve frontar e payar por mi crímine
Un diábolic plesura in tortura
Esque tu posse respirar e frontar it unvez plu.

Trans omni ti frenesie
Yo ha arivat a un tre convenent loco
Quo fa me negar me self
Necós sembla plu sin valore.

Ples avigilar te ho-nocte
Ho-nocte Michelle.

Lácrimes pro vúlnerat dignitá
Null adversario, contra tu posse luder
Nequande lontan de un cochemare
Li realitá desapari plu e plu.

Ples avigilar te ho-nocte
Ho-nocte Michelle.
 

Tour de France (li canzon de Kraftwerk)

Yo ha traductet li textu del german electronic rock-musica gruppe "Tour de France" ex li francesi in Interlingue-Occidental. Li canzon de Kraftwerk esset publicat per li unesim vez in li annu 1983, ma it es til hodíe quasi li ínoficial himne del max famosi concurse de ciclisme del munde.

Ci on posse escutar li canzon che You Tube
Li canzon Tour de France 1983 de Kraftwerk


TOUR DE FRANCE (Kraftwerk 1983)

Li inferne del nord: Paris - Roubaix

Li Cote d'Azur e Saint Tropez

Li Alpes e li Pirinées

Li final etappe Champs-Elysees

Galibier e Tourmalet*

Dansant mem al somité

Pedalant en grand ingranage

Un sprint finale in li fine

Un plat rot del bicicle sur li paves

Li bicicle es reparat rapidmen

Li peloton** ha regruppat

Camarados e amicitá

* Galibier es un monte in li Alpes e li Tournmalet es un monte in li Pirinées
** Li peleton es li gruppe durant un etappe in quel es situat li max grand númere del ciclistes