Yo ama te (un poema)

Yo ha traductet un litt poema de amore in Interlingue-Occidental. Li poema es simplic, forsan mem un poc naiv, ma anc sinceri, simpatic e ínnocent. Li autoressa del poema es Carmen e yo ha trovat li poema in li internet. It have li simplic títul “Yo ama te!” Mersí Carmen!

Yo ama te

Yo ama te,
tui rision,
tui voce,
pro to yo ama te!

Tui caráctere,
tui ánim,
tui clementie,
pro yo ama te!

Tui humor,
tui intimitá,
tui carisme,

pro yo ama te.
Yo ama TE.
 
(Carmen)

Lu íncert (un obscur legende)

Yo ha traductet e extendet un curt obscur legende in li lingue Interlingue-Occidental. Li autoressa del original textu es Anna e el have 13 annus. Lass nos leer li trist raconta de ti povri puella! Forsan noi posse auxiliar la. Ma qualmen?

LU ÍNCERT

Yo jace sur li canapé in li salon e reva un poc. Subitmen un burasca clúde sonorimen li porte del chambre e yo leva me aterret. Mi cordie palpita tre rapidmen e mi manus treme. Tande yo ride pri me self. Qualmen yo posse esser tant timorosi? Yo have ja 13 annus! It esset solmen li vente. 

Ma poy yo have un tre desquietant pensa. Yo ne ha aperet un fenestre in li tot dom quel vell ha posset clúdet li porte. Subitmen yo es tre vigil. Quo eveni ci? Poy yo senti un aer-currente directmen apu mi nuc. It seque un piani ma audibil chuchota. Yo audi it tre clarmen apu mi orel. Li menacie aterre me e mi tot córpor comensa tremer: “Tu va ancor hodie morir!” Yo leva me rapidmen del canapé por escapar de ti-ci horríbil eveniment. 

Ma yo ha joyat tro tost! Li horrífic voce perseque me. It es sempre in mi cap! Chascun die, chasun hor e chascun minute! Quo yo posse far? Ples auxiliar me! Yo ne posse tolerar to plus! Lentmen ma certmen yo perdi mi rason.

Anna 13 annus

Li die esset quam ... (poema)

Yo ha denov traductet un litt poema ex li german in Interlingue. Li autora es Lara e el ha scrit un vermen optimistic e bell poema pri li estive.

Li die esset quam...

Li die quam un témpor sin sucies passat,
Yo ni pri deman reflectet.
Li ventorotes volet continuar tornar se,
ma li munde  ne stoppat moer se.
Li sole besat mi visage,
yo solmen ne sentit li pluvie.
Yo juit li jorne,
etsí yo solmen jacet in li herbe.

(De Lara por omnes qui ama li vive)

Emily (Canzon de Clan of Xymox)

Yo ha traductet li canzon "Emily" del nederland rock-muscia gruppe "Clan of Xymox"   ex li annu 2009 in Interlingue-Occidental.


On posse escutar li canzon che YouTube ci:

CLAN OF XYMOX: EMILY

Li amore es pur e li amore es ciec
Ella es de un tal sorte
Papiliones svimma e dansa
Li foy moe se quam in transe

Esque tu ne posse vider, que yo es in amore con Emily
Esque tu ne posse vider, que ella es mi fantasie
Mi Emily, mi Emily

Li amore es li vive e li vive es li amore
In veritá it es desfacil quande tu comensa
Li color es pallid e li stil es fals
Quam un rim in un altri canzon.

Esque tu ne posse vider, que yo es in amore con Emily
Esque tu ne posse vider, que ella es mi melodie
Mi Emily, mi Emily

Tuchat per amore subitmen e dulcimen
Ella completisa mi vive.

Esque tu ne posse vider, que yo es in amore con Emily
Esque tu ne posse vider, que ella es mi fantasie
Mi Emily, mi Emily.

Li parol (poema)

Yo ha traducted li litt poema "Li Parol" in Interlingue. Yo ha trovat in poema in li internet. Li autoressa del poema have li nómine Jana.



LI PAROL

Un líttere
E plu un
Un parol forma se.

Un parol, yo lée it
e it desapari lentmen
avan mi ocules.
Humid.

Li parol.
It es un pica
in mi cordie.

Li parol es:
Amore

(Jana)

Tour de France (li canzon de Kraftwerk)

Yo ha traductet li textu del german electronic rock-musica gruppe "Tour de France" ex li francesi in Interlingue-Occidental. Li canzon de Kraftwerk esset publicat per li unesim vez in li annu 1983, ma it es til hodíe quasi li ínoficial himne del max famosi concurse de ciclisme del munde.

Ci on posse escutar li canzon che You Tube
Li canzon Tour de France 1983 de Kraftwerk


TOUR DE FRANCE (Kraftwerk 1983)

Li inferne del nord: Paris - Roubaix

Li Cote d'Azur e Saint Tropez

Li Alpes e li Pirinées

Li final etappe Champs-Elysees

Galibier e Tourmalet*

Dansant mem al somité

Pedalant en grand ingranage

Un sprint finale in li fine

Un plat rot del bicicle sur li paves

Li bicicle es reparat rapidmen

Li peloton** ha regruppat

Camarados e amicitá

* Galibier es un monte in li Alpes e li Tournmalet es un monte in li Pirinées
** Li peleton es li gruppe durant un etappe in quel es situat li max grand númere del ciclistes

Li salvation in li final minute (un obscur legende)

Car amicos!
Yo ha traductet ancor un vez un obscur legende ex li internet. Li autoressa Zoe es in li etá de 12 annus. Ti-ci raconta have in contrari al mult altri obscur legendes un felicosi fine. Yo desira agreabil letura! Lass nos leer quo Zoe raconta:


LI SALVATION IN LI FINAL MINUTE

"Li nubes súper me deveni plu e plu obscurmen. Yo regarda desquitmen al ciel. Strax it ja comensa pluviar fortmen. Yo sercha rapidmen un protection contra li pluvie sub un del árbores al márgine del via. Yo recive un choc pro un tónnere. Li scintillant luce de un fúlmine lucida li ciel. O ve! Quande ancor un fort fúlmine eclata al horizonte, yo vide un strangi person ye li altri látere del via. Yo vole saver qui to es e transea corageosimen al altri látere del via. Ma yo posse vider nequém. Poy un bruiosi clacca resona. Li fúlmine ha cadet in li árbor sub quel yo hat stat til quelc minutes. Ne vell har aparit li strangi person, yo vell esser certmen mort."
(Zoe 12 annus)