Li Promesse

Li musica-gruppe Test Department de Scotia hat publicat in li annu 1991 un album con li nómine “Pax Britannica”. Li ovre de Test Department esset tre political anti-britannic e levul. Test Department anc suportat li idé un índependent Scotia. Li Pax Britannica album comensat per un poema leet de un infanta. “Li promesse” del infanta es tre ironic por monstrar “li ver natura” del britannic sistema secun li opinion del Test Department. Pos li quasi rassistic “promesse” seque sur li album li max famosi canzon del Anglicanic eclesie “Jerusalem” e quelc quasi rassistic quotationes del ex-brittanic prim-ministra Margaret Thatcher.

Ci es mi Interlingue-version del promesse.

LI PROMESSE

Land de nor nascentie, noi promesse a te,

In li annus venient nor pena e amore,

Quande noi ha adultijat in nor classe,

Quam mannes e féminas de nor rasse,

Patre in li ciel qui ama nos omnes,

O exaudi nos quam tui infantes,

Que noi de era a era genite,

Un pur heredie.

Li catolic crede in Interlingue

Ci es mi version del catolic crede in Interlingue:

LI CATOLIC CREDE

Yo crede in li unic Deo.
li patre, li omipotent
li creator del ciel e del terra,
e in Jesu Cristo,
su unic filio, de nor Dómino,
qui es conceptet del Spíritu sant
nascet del Vírgina Maria
fat suffrente de Pontius Pilatus
crucificat, morit e sepultet
descendet al mortes
resurectet del mortes ye li triesim die
ascendet in li ciel
ta il sede a dextre de su omnipotent patre
de ta il va venir, por judicar li viventes e li mortes.

Yo crede in li Spíritu sant.
li sant catolic eclesie
li comunité del santos
li remission del peccas
li resurection del córpor
e li eterni vive
Amen